Пилсемпе кӗлӗсем

Хӗле кӗнӗ йӗркепе кӗрхи тата хӗллехи йӑласене тунӑ. Кӗрхи хӗру ӗҫсем хресченшӗн ҫур аки пекех канӑҫсӑр иртнӗ. Ларса канма та вӑхӑт тупӑнман. Анчах этем пачах канмасӑр, каллӗ-маллӗ шухӑшласа пӑхмасӑр ӗҫлеме пултарайман. Ӗҫпе кану йӗркине кӗвӗлесе тӑма ӗҫ ҫи тапхӑрӗнче ҫирӗпленнӗ йӑласем пулӑшса пынӑ. Ӗҫ пуҫланӑ е вӗҫленӗ чухне каланӑ кӗлӗсем, пӗчӗк тӑхтав-уявсем вӑй-хал пухма хистенӗ. Вӑхӑт-вӑхӑт пысӑкрах уявсем те пулса иртнӗ. Авӑн вучахне чӗртни, кивӗ тырра ҫӗнетни, ваттисене асӑнса атан апачӗпе кӗр сӑри ӗҫкине ирттерни канса илме май панӑ.

Кӗр сӑри хыҫҫӑн хӗллехи йӑласем пуҫланнӑ. Кунта ӗретрен хаваслӑх, йывӑр ӗҫсенчен ирӗкле кунсемпе каҫсем — улахсемпе лармасем, Сурхурипе Нартукан, Вирӗмпе Вӗтке, кӗпшинккепе хӗр сӑри. Яш-кӗрӗм вӑрман кӑларнӑ, хӗр упраҫ ал ӗҫӗ тума васканӑ. Сивӗ кунсем иртсе кайнине, ҫур ҫитнине ҫӑварни пӗлтернӗ.