Пилсемпе кӗлӗсем

Сурхури эрнисен пилсемпе кӗлӗсене хирӗҫле ӗҫӗ-хӗлӗ те кӑсӑк. Кӗлӗсене ватӑсем кӑнтӑрла ирттереҫҫӗ, аппаланчӑк вӗтке-элемете яшсем каҫхине тӑваҫҫӗ. Кунта Киреметпе Эсремет, Турӑпа Шуйттан ӑмӑртӑвӗ пулса иртет.

Вӗтке вӑййисем темиҫе эрнене тӑсӑлма пултараҫҫӗ. Тӗрӗссипе, ҫакӑ вӑл халӑх театрӗн пӗр тӗсӗ, камичӗ-шӳчӗ. Вӗтке ҫимӗҫӗсенчен пӗри — шӳтернӗ е ӑшаланӑ пӑрҫа, выляканесенчен паллӑраххи — Катемпи карчӑкӗпе Чике сухал карчӗ. Халӗ вӗтке ушкӑнӗсем Ҫӗн ҫул тӗлне тапранса тухаҫҫӗ. Хӗл мучипе Юр пике те ӗнтӗ ветке-элемет ачисем пулса кайрӗҫ. Вӗтке (святки, коляда) тӗрлӗ халӑхсен пур. Ӑна чи авалхи йӑласен шутне кӗртеҫҫӗ.