Пилсемпе кӗлӗсем

Авӑн чӗртни

Йӗпе-сапа ҫул тыр-пула авӑнра типӗтмесӗр ҫапса илме май килмен. Авӑн ӗҫне пӑхса тӑрасси пысӑк тимлӗх ыйтать, мӗншӗн тесен вут-кӑвар тухса пӗтӗм сурат-капана, йӗтеме-кӗлете пӗтерсе хума пултарать. Ҫакна асра тытса, авӑн тытса, авӑн вучахне чӗртнӗ чухне пурте пӗрле пухӑнса авӑн кӗллисем итленӗ. Тӗрӗссипе, ҫакӑ вӑл пушартан упранмалли йӗркесене пурне те тепре хытӑ аса илтерни пулнӑ. Авӑн пӗтсен тав туса кӗлӗ каланӑ.

 

410

Турӑ, ҫырлах! Ырӑ Вут ама! Ырӑ вырӑнта ларса тӑрӑсӑринччӗ. Мӑн капана пӑсса авӑна хутӑмӑр, авӑн перекетне парӑсӑринччӗ. Авӑн ӑшне вут хутӑмӑр: вутран-кӑвартан, сиксе ӳкес хӗмӗнчен витсе сыхласа тӑрӑсинччӗ. Ырӑ Вут ама! Пирӗн ӗҫӗмӗре эсӗ упраса, сыхласа тӑрсамччӗ!

Типме хунӑ ҫӗртен илнӗ пӗрремӗш кӗлтене ашӑм юпи тӑрне лартнӑ — ку вӑл авӑн кӗтӳҫӗ валли панӑ парне шутланнӑ. Ҫак сӑмахсене каланӑ:

— Умран та сыхла, хыҫран та сыхла! Вутӗнчен-кӑварӗнчен эпир сыхлаймастпӑр, эс сыхла! Усала-тӗселе сирсе яр!

Статьясем

Шырав

Пайсем

Ҫавӑн пекех пӑхӑр