Пилсемпе кӗлӗсем

Юпа уйӑхӗн варринче ялан тенӗ пекех ҫӗр ҫине юр ларать. Юр лариччен ҫурт-йӗре питӗрме, ӑшӑ тытма васканӑ. Шӑтӑк-ҫурӑка мӑкпа, сӳспе, ҫӗтӗкпе, тӑмпа, тӑпрапа сапланӑ. Сарай, пӳрт никӗсӗсене хӑпартнӑ, тӑпраса каялла купаланӑ.

Пукрара хӑна пухнӑ, хӑнана кайнӑ. Час-часах: «Урапапа кайса ҫунапа таврӑнтӑмӑр», — тенине илтме пулнӑ.

Пукра кӗллисем йышлӑ мар. Вӗсем ҫурт-йӗр тата кил-йыш кӗллисемпе ҫывӑх.

Эй, Турӑ! Паянтан вара хӗл сивви хӗсепӗ каять. Ун чухне те ӑшӑра пурӑнма пар пире, ҫак мӗнпур ӑшша тытса тӑр.

Эй, Турӑ! Паянтан пуҫласа хӗл сивви пуҫланса каять. Хӗл чухне те ӑшӑра пурӑнма пар пире. Ҫак мӑк пур ӑшша та тытса тӑтӑр. — Ку мӑка мӗн тума хушатӑн? — Хӗл каҫипех ӑшӑтма хушатӑп.