Пилсемпе кӗлӗсем

Тавах ӗнтӗ сире, атьсемри, пире курма чӗннӗшӗн. Хӗр умӗнче каччӑ тӑтӑр, каччӑ ҫумӗнче хӗр тӑтӑр, ар ҫумӗнче арӑм пултӑр! Ҫитес ҫулччен ҫичӗ арӑм пултӑр! Ҫичӗ хӗр качча памалла пултӑр! Ҫичӗ ывӑл авлантармалла пултӑр! Ҫичӗ киле кин кӗртмелле пултӑр, ҫичӗ киле кӗрӳ кӗртмелле пултӑр. Мӑшарланса пурӑнасси пиртен тухнӑ йӑла мар. Карта юпи те мӑшӑрлӑ пулать, вӗҫен кайӑк та мӑшӑрланса йӑва ҫавӑрса пурӑнать. Эсир те пирӗн пекех мӑшӑрланса, тӑмана пек тӗкленсе, хур аҫипе хур ами пек шӑкӑлтатса килӗштерсе пурӑнӑр.