Пилсемпе кӗлӗсем

Ака пӑтти — тырӑ акас умӗн, акнӑ вӑхӑтра, акса пӗтернӗ хыҫҫӑн пӑрӑнми ирттерекен йӑла. Вӑл кӑткӑс мар, анчах унӑн хӑйӗн тарӑн пӗлтерӗшӗ те илемлӗ йӗрки пур.

В.К.Магницкий ҫырнӑ тӑрӑх, ака пӑттине пуҫланӑ чухне вӑрлӑха кӗлетрен кӑларма пули-пулми ҫынна хушман. Кӑмӑлӗ уҫӑ, алли ҫӑмӑл, ӳт-пӗвӗ ҫирӗп, пурнӑҫӗ телейлӗ тата пурте юратса хисеплекен ҫынна вӑрлӑх кӑларма ыйтнӑ.

Пӗрремӗш кунтӑка е миххе кӑлараканӗ каннӑ та, ҫулланнӑ арҫын та пулма пултарнӑ. Вӑрлӑх кӑларма хушни ҫынна телей суннипе тан шутланнӑ. Ҫав телее тивӗҫнӗ ҫын ҫур ҫӗр иртсен е хӗвел тухинчен ҫӗлӗкӗ ҫине темиҫе ывӑҫ тырӑ илсе хӑйсен пахчине вӑрлӑх сапса хӑварнӑ. Ҫакна вӑл ӑнӑҫлӑ та телейлӗ кунсенче тунти кун, кӗҫнерни кун, шӑмат кун, вырсарни кун тунӑ. Ака пуҫланӑ кун телейлӗ ҫын сухаланӑ ана ҫине вӑрлӑха пуринчен малтан кӗлӗ каласа сапнӑ.