Пилсемпе кӗлӗсем

Мальӑм хуҫана пуҫҫапни

 

772

Киремет тарсан, унӑн юлташӗ Мальӑм хуҫа юлнӑ. Мальӑм хуҫа вӑхӑтлӑха питӗ чапа тухнӑ. Вӑл чирлисене сыватнӑ. Выльӑхсене астуса тӑнӑ, ачисене сыввӑн усранӑ, анчах пурне те мар. Кам ӑна ҫырлахтарман, унӑнне вӗлерсе пӗтернӗ. Кам ҫырлахтарнӑ, унӑнне чиртен ҫӑлнӑ.

Киреметпе Мальӑм хуҫана тархасламаллисем ҫаксем пулнӑ: этем чирлесен, чустаран пурне те пӗчик этем кӗлетки туса пӗҫернӗ. Ҫавна чӑрӑш кутне илсе кайнӑ та Мальӑма тархасланӑ.

Манӑн этеме сыват. Сана сӑмахпа е ӗҫпе кӳрентернӗ пулсан, сана этем вырӑнне этем парӑттӑм. Ҫырлах, сыват ман этеме!

773

Ҫырлах, ҫырлах, ҫырлах! Мӑн киремет, ҫырлах! Мӗнпе пӑсрӗҫ, унпа ҫырлах! Сурпанпа пӑсрӗҫ-и, ҫӗрӗк ҫӑпатапа пӑсрӗҫ-и, кӗпепе пӑсрӗҫ-и, ҫӳҫпе пӑсрӗҫ-и, ут ҫилхипе пӑсрӗҫ-и, ҫырлах!

Выльӑх-чӗрлӗх тӳрлеттер! Ҫакӑнпа тӳрлететӗп; тӳрленсе кай.

Ҫак ӑста килнӗ ҫакӑнта вил тӳрлетме ҫич тинӗс урлӑ, хӑйӑртан кӗпер туса, пӑхӑртан, ылтӑнран, йӑсран.

Те малтан каласси кая пулать, те кайран каласси мала пулать, пирӗн алӑра кӗнеке ҫук; виҫ сӑмахран хапӑл ил. Чӳк, ҫырлах! Эпӗ астивиччен эсӗ астив!

Статьясем

Шырав

Пайсем

Ҫавӑн пекех пӑхӑр