Пилсемпе кӗлӗсем

Пилешпе сиплени

 

767

Чӑвашсем пилеш йывӑҫран усал хӑрать теҫҫӗ. Пилеше вӗсем темрен те мала хураҫҫӗ-и, тен. Тырра вупӑр ан ҫитӗр тесе ӑна кӗлете тырӑ пури ҫине кӳртсе хураҫҫӗ. Ҫамрӑк пӑрусем чирлесен вӗсен мӑйӗсене пилеш шӑрҫасем ҫака-ҫака яраҫҫӗ. Хӑш-хӑш чухне, пӗрне-пӗрне сивӗ чир ерсен, вӑрмана каяҫҫӗ те чӗрӗ пилеше варринчен ҫурса витӗр тухаҫҫӗ. Тухнӑ чухне ак ҫапла калаҫҫӗ:

Пилеш йывӑҫ, ҫак сивӗ чире манран уйӑр. Хӑҫан та хӑҫан ҫав сивӗ чир сан витӗр тухӗ, ҫавӑн чухне тин мана ертӗр. Тата хӑҫан та хӑҫан ҫав сивӗ чир ҫунса выртакан кӑвара ерӗ, хӑҫан та хӑҫан шыв тӗпӗнче выртакан кӑвар пек таса арман чулне тытса силлӗ, ҫавӑн чухне тин мана тытса силлетӗр.

768

Шӑл хытӑ сурнипе аптранӑ пирки калать: шӑла хаяр куҫ ӳкрӗ е ҫав виле тытрӗ пулӗ тесе, чӗлхе вӗртсе пӑхать, вилнине ҫӑмартапа, апатпа хывса асӑнать, ҫавах пичӗ-куҫӗ пушшех шыҫса кайса хӗн курать. Тепри калать: «Ара сан шӑлу пилеш ҫинӗрен сурать пулӗ, ӑна асӑнса ҫурта лартас пулать», — тет. Шӑл суракан ҫын ҫурта илет те пилеш йывӑҫӗ патне кайса акӑ ҫапла калать:

Акӑ ӗнтӗ сана, пилеш йӑвӑҫӗ, ҫурта лартса пуҫҫапатӑп. Сан ҫимӗҫне пӗлмесӗр ҫирӗм. Ман шӑл ҫавӑншӑн сурса ыратать. Малашне ӗнтӗ сан ҫимӗҫне шӑл айне хумӑп. Акӑ сана ҫурта лартса пуҫҫапатӑп, урӑх малалла ман шӑла ан сурт.

Статьясем

Шырав

Пайсем

Ҫавӑн пекех пӑхӑр