Пилсемпе кӗлӗсем

Эй, ачамсем, чипер ҫӳрӗр, ӗҫме-ҫимепе тирпейлӗ пулӑр. Сӑвӑ калӑр, такмак калӑр, путсӗр сӑмаха ан калаҫӑр! Сыхланса ҫӳрер; чирлӗ выртакансене хавхалантарӑр. Усал сӑмахсем калаҫса-вӑрҫса ҫӳресен Тӗмен Турӑ кая хывӗ. Ваттисем ку йӑлана ахаль кӑларман. Тасалӑх килтӗр, чир-чӗр кайтӑр тесе кӑларнӑ. Таса маррине хытӑ хӑвалӑр, ҫавах чыслӑ сыхланса ҫӳрес пулать.

Ку вӑйӑ ҫамрӑксене ваттисенчен юлнӑ. Чипер выляса-кулса ирттерӗр. Хӑвӑртан ан култарӑр, ан ҫапӑҫӑр. Пурсӑра та вӑйӑ-кулӑ, пурте итлӗр, лайӑх пулӑр. Пӗчӗкреххисем, аслисене хисеп туса ҫӳрӗр, ҫапӑҫу енне ан ярӑр.

Юрлӑр, ташлӑр, кулӑр, чыспа ирттерсе ярӑр, Хӗр упраҫсем, эсир ку сӑмахран ан кулӑр...