391-мӗш кӗлӗ

Уй чӳкӗ ӗлӗкхи вӑрҫӑччен тунӑччӗ Ҫирӗклӗ ҫырмара. Вӑкӑр илсе пуснӑ халӑхпалан, кӗрпе, ҫӑмарта пуҫтарнӑ. Уй чӳкӗпе ҫумӑр чӳкӗ пӗрле ирттернӗ. Куҫма аслашшӗ кӗлтунӑ:

Ҫырлах, Турӑ. Ҫӳлти ҫумӑрна кӑларса пар, ҫӗртен сывлӑм кӑларса пар, ҫилне чар, хӗвеле ан хӗрт, ҫынна хуйхӑ ан пар, ҫил-тӑвӑлтан, вутран-кӑвартан сыхла, алама ҫумӑртан, вӑрҫӑран сыхла, инкекрен-синкекрен сыхла, хуйхӑ-суйхӑ ан пар.

Уй чӳкӗпе ҫумӑр чӳкне пӗрле ирттернӗ чухнехи кӗлӗ.