Пилсемпе кӗлӗсем

375-мӗш кӗлӗ

Аслӑ Турӑ, Турӑ Амӑшӗ хӑйсем умӗнче тӑракансем хушшинче кирек хӑҫан та мухтавлӑ — кун парса, ӑса кӗртсе, ҫул кӑтартса, хӳтлӗхпе витсе пыраканӗсем вӗсем. Ҫӗр ҫинче, ҫӗр айӗнче, шыв ҫинче, шыв айӗнче, пӗлӗт ҫӳллӗшӗнче, пӗлӗт айӗнче тӑракансем пурсӑмӑр та, выҫӑра, тутӑра, ҫутӑра, тӗттӗмре, сивӗре, шӑрӑхра чухне кирек хӑҫан та — этем ывӑлӗ-хӗрӗ ячӗпе ҫут тӗнчепе Турра тав тӑвӑпӑр, ӑна мухтаса чыслӑпӑр, вӑл вӗрентсе каланисене ӑша илме тӑрӑшӑпӑр.

Пирӗн чунсем Турра мухтаҫҫӗ. Чыс та мухтав сире, аслӑ Турӑпа Турӑ Амӑшӗ!