374-мӗш кӗлӗ

Хура халӑхпа, хӗрӗ-хӗрарӑмӗпе, ачи-пӑчипе ҫак хура вӑкӑрпа асӑнатпӑр, тав тӑватпӑр Сана, Учук Турри. Ҫак уя акнӑ тыррӑмӑр-пуллӑмӑра перекетне пар, чипер алла илсе анкартине кӗртме пар. Анкартине кӳртсен анкарти перекетне пар, ҫапнӑ кӑшӑлӑн, авӑртнӑ ҫӑнӑхӑн, илнӗ таварӑн перекетне, ушлӑхне пар. Выҫса килекене тӑрантарса яма, шӑнса килекене ӑшӑтса яма пар. Ыйтакана парса ямашкӑн пар, Турӑ. Аминь!