280-мӗш кӗлӗ
Эй, хуҫа, килте-и?
Ҫапла-ҫапла ҫӳретпӗр,
Авалхи йӑлана пӑрахмастпӑр,
Ҫӗнӗрен йӑла кӑлармастпӑр.
Турчки ҫине мӗн утланать?
Таракана мӗн ҫиет?
Хӑнкӑлана мӗн ҫиет?
Вун ик кукӑль, пӗр чӗрес сӑра!
Пӗри: Сӗрен! Сӗрен!
Ушкӑнпа: Пире сӑра памасан чир-чӗр тухса ан кайтӑр!
Пӗри: Сӗрен! Сӗрен!
Ушкӑнпа: Пире шерпет памасан чир-чӗр туртса хутлаттӑр!
Пӗри: Сӗрен! Сӗрен!
Ушкӑнпа: Пире укҫа памасан киремечӗ тапӑнтӑр!
Пӗри: Сӗрен! Сӗрен!
Ушкӑнпа: Пире пӑрҫа памасан шӗпӗнпеле аптраттӑр!
Пӗри: Сӗрен, Сӗрен! Пире ҫӑмарта памасан йӗрӗх ҫырлахма ан пӗлтӗр!
Пӗри: Сӗрен! Сӗрен! Пире сӗт-ҫу памасан ӗне сӗтне типӗттӗр!
Пӗри: Сӗрен! Сӗрен! Кӑна эпир ыйтмастпӑр, — пирӗн ачасем ыйтаҫҫӗ.
Пурте: Сӗрен! Сӗрен!
Сӗрен те сӗрен тееҫҫӗ,
Ыран та Мункун тееҫҫӗ.
Вун икӗ чӑрӑш пӗр кутран:
Тӑрринчен татас, шан тӑвас,
Ҫурринчен ҫурас, ҫурт тӑвас.
Тӑмана тытрӑм, хуплу турӑм —
Шӑнтарай умне кучченеҫ.
Тьфу, тьфу! Чир-чӗр вӗҫтӗр, ҫак хулӑсене шыв тӗнче хӗррине ҫӗр тӗпнех илсе кайтӑр, вӗсемпе пӗрле чир-чӗр те, пурте, ҫӑпан-сурансем юхса кайса тӗнче хӗррине ҫитсе ҫӗр тӗпнех анса кайччӑр та пӗрмай аптратаймӗҫӗ. Ой! Ой! Тьфу, тьфу! Чир-чӗр вӗҫтӗр, чир-чӗр вӗҫтӗр! Тунтирсене кураксем пек вӗҫтеретпӗр, чир-чӗр унтан та хытӑ ҫӳлелле ҫавра ҫил пек ҫаврӑнса улӑхса кайтӑр та ҫӑван шӑтӑкнех ҫаврӑнса кайтӑр! Тьфу, тьфу, тьфу! Манӑн чир-чӗре ҫак вут ҫулӑмӗ пӗтӗм ӳт-тиртен явӑнтарса илсе ҫӳле илсе кайтӑр! Вут ҫулӑмӗ илсе кайтӑр! Вут ҫулӑмӗ илсе кайтӑр! Тьфу, тьфу! Мӗнпур чир-чӗр ҫакӑнта юлтӑр ӗнтӗ.
- Кӗлӗ тата пил сӑмахӗсем
- Ӑрӑмлӑ сӑмахлӑх: пилпе халал, тупа, кӗлӗ-сӑрман тата вӗсене каламалли йӗркесем
Шырав
Пайсем
- Харкам сӑвап, сунӑм, тупа
- Тӗнче хӑвачӗсене чыслани
- Ҫурхи тата ҫуллахи уявсемпе чӳк кӗллисем
- Хӗле кӗнӗ йӗркепе калакан кӗлӗсем
- Кил-йышри кулленхи йӑласемпе кӗлӗсем
- Пытару йӗркипе сӑмахлӑхӗ
- Асӑну йӗркипе сӑмахлӑхӗ
- Хресчен ӗҫӗн кӗллисем
- Мӑчавӑрсем халӑха каланинчен