Ҫурт-йӗр ӗҫӗн кӗллисем

Пӳрт-ҫурт лартасси, юсасси, тирпейлесси — чӑваш ҫыннин шутсӑр яваплӑ ӗҫӗ. Апат ҫимесӗр, ҫывӑрмасӑр пурӑнма та килӗшет вӑл, анчах кил-йыш валли лайӑхрах йӑва ҫавӑрас тесе тӑрӑшать. Ҫавӑнпах кил-ҫурт ӗҫӗн йӑлисем, кӗллисем йышлӑ.

Пӳрт валли вӑрман каснӑ — кӑвайт чӗртнӗ,вырӑн суйланӑ — йӑла тунӑ, никӗс янӑ — пӑтӑ лартнӑ, мачча кашти хунӑ е ҫурт тӑррине «лаша» лартнӑ — кӗлӗ каланӑ. Ҫав йӑласенчен пысӑкраххи — никӗс пӑтти.