Пилсемпе кӗлӗсем

Аки-сухи асран кайми,

Асран кайми аки-сухи!

Шӑрчӗ кастӑр, трен хӑпӑттӑр,

Асран кайми аки-сухи! 

 

Ултӑ лаши акара пулччӑр,

Виҫӗ кӗсри сӳрере пулччӑр, 

Тихисем хыҫран выляса пыччӑр, 

Асран кайми аки-сухи! 

 

Ана йӑранлӑ ай пултӑр-и,

Ҫаран чикеллӗ ай пултӑр-и.

Кӗр акни, ҫур акни хулӑм пултӑр.

Хулӑм кӗр аки тулӑх пултӑр.

 

Атте-аннерен ай пахи ҫук,

Турӑран-пӳлӗхрен асли ҫук.

Ӗҫетпӗр те ай ҫиетпӗр

Атте-анне ай тивлетпе.

Юман йывӑҫ пылне-ҫуне,

Юман йывӑҫ пылне-ҫуне

Ӗҫетпӗр те ай ҫиетпӗр.

Асран кайми аки-сухи!