Пилсемпе кӗлӗсем

Ах, Торӑ, ҫырлах, Торӑ ан прах, Торӑ, ҫырлах. Ҫак хӑтая ҫавӑр, Торӑ, чипер ӗҫме-ҫиме Торӑ полӑштӑр ҫак хӑтапа тӑхлача.

Шилӗкре Турра кӗлтунӑ чухне каланӑ.

Хӗрӗ куҫпа чирлӗ пулсан ӑна кил картишне хыҫалтан карта сӳтсе илсе кӗнӗ. Унта вара сурпана урлӑ сарса хунӑ, валашка лартнӑ, чул сарнӑ. Вара вут чӗртнӗ. Юлашкинчен кӗлӗ каланӑ:

Е, пӗсмӗлле! Пӗр Турӑ, ан пӑрах! Карта уҫса кӗртетпӗр вӑрман витӗр, шыв витӗр, вут урлӑ, чул урлӑ; ҫуса, тасатса, шӑлса, ҫунтарса кӗртетпӗр. Ҫак кинӗн куҫӗ шур сурпан пек тасалса, тӳрленсе кайтӑр!

Манӑн ӗмӗрӗм санӑн умӑнта телейлӗ, ӑнӑҫлӑ ирттӗр.

Ҫӗнӗ ҫын кӑмакана пуҫҫапнӑ чухне каланӑ.