Пилсемпе кӗлӗсем

Чипер кайӑк чӗкеҫ! Ҫивӗч ҫӳрен кайӑк ҫерҫи! Ҫӳлти турӑсен патшине, Аслати турра тата Камал кӳркӗҫе каласамӑрччӗ: ун ҫӗрӗ-шывӗ типсе кайнӑ! Ҫӗр ҫинче ҫитӗнекен япаласем пурте типсе ҫитнӗ, сӑрт-тӑвайкки ӗнсе ларнӑ, тусан йӑсӑрланать, ҫӗр ҫурӑлать тесе калӑр. Ырӑ ҫумӑр парӑр, пӑрпа тӑвӑлран упрӑр тесе калӑр. Хӑйсен халӑхне манса кайнӑ-им? Пирӗн чӳкпе ҫырлахмасан ҫитессинче чӳклемӗпӗр. Хӗрсен кантӑрӗсем кӑкӑр таран ӳсмесен, каччӑсен урхамахӗсем хырӑм таран курӑк ҫинче ҫӳремесен, хирти тыр-пул кашласа хӑпармасан кам чыслӗ вӗсене, ҫӳлти ырӑсене, тесе ыйтӑр.

Вӗҫтерсе ярӑр, ачасем, ирӗклӗ кайӑксене ҫумӑр пӗлӗчӗсем патне!