Пилсемпе кӗлӗсем

Тапӑ тесе ҫамрӑксен Ҫимӗк эрни тухиччен пулакан пухӑсене каланӑ. Тапӑ ҫитес Ҫимӗк эрнине асӑнса вӑрмансенче, улӑхсенче тата ытти ҫавӑн евӗрлӗ хӳхӗм вырӑнсенче ват ҫынсем пухӑннинчен пуҫланса кайнӑ. Ку тӗлӗшӗнчен тапӑ Ҫимӗкпе питӗ ҫывӑх. Ҫимӗк хӑй те малтан туй туман вилнӗ ҫамрӑк ҫынсене ӑсатнинчен тухса кайнӑ. Ҫимӗкре ӗҫсе-ҫисе, юрласа-ташласа вӗсен туйне тунӑ, анчах ҫураҫни, мӗнӗ пулман. Ҫавӑнпа та тапӑра, ҫураҫнине асӑнса пек, илемлӗ вырӑнсенче ват ҫынсем ӗҫсе-ҫисе ирттернӗ.