Пилсемпе кӗлӗсем

Мӑнкун эрни тухнӑ кун, Кӗҫӗн Мӑнкун кунӗ, ялти пур килӗрен те пӗрер витре сӑра, тирӗкпе ҫӑкӑр, ҫӑмартасем илсе мал еннелле таса ҫерем ҫине тухнӑ. Витрине те, тирӗкне те тутӑр витсе тухнӑ. Сӑраллӑ витрисене, ҫӑкӑрлӑ тиркисене умӗсене лартса, хӑйсем чӗркуҫленсе ларса пуҫҫапаҫҫӗ те ак ҫапла кӗлтӑваҫҫӗ:

Эй, Турӑ, ан пӑрах, ырлӑх пар, сывлӑх пар, ҫултан ҫула савӑнӑҫ пар, ҫичӗ тӗрлӗ тыррӑм-пуллӑма асӑнатӑп, тӑррине тутлӑх пар, тӗпне питлӗх пар.