Пилсемпе кӗлӗсем

Эй, Мӑн Сурӑм, Сурӑм аслашшӗ, аслӑ амӑшӗ! Эпир халь вырӑсла йӗркине тытма пӑрахатпӑр, текех ун йӗркине тытмастпӑр. Эпир, айван ывӑл-хӗрсем, нимӗн пӗлмесӗр ӗлӗк Сурӑм киреметне пултармасӑр вырӑсла пултӑмӑр пулӗ. Эй, киремет, эпир сана витӗнетпӗр, ҫырлахтаратпӑр, ҫырлах! Кунтан малашне санах пӑхӑнатпӑр, сана витӗнетпӗр. Эй, Сурӑм киремет амӑшӗ, сана эпир, айван ывӑл-хӗрсем, савса тиха паратпӑр, савса панине савса ил. Сана панӑ юпах тиха тяппи пек, пирӗн пурӑнӑҫ тӑпӑл-тӑпӑл пултӑр, ҫырлах!

Ҫырлах, Аслӑ Сурӑм, сана асӑнатпӑр, витӗнетпӗр, тав тӑватпӑр, пуҫҫапатпӑр, ҫырлах, Аслӑ Сурӑм; выльӑхӑм-чӗрлӗхӗмпе, тыррӑм-пуллӑмпа, йыттӑм-качкӑмпа, хурӑм-кӑвакалӑмпа, чӑххӑм-чӗппӗмпе, ҫырлах, Сурӑм; пӗр вӗҫӗ шывра пултӑр, пӗр вӗҫӗ картара пултӑр.

Ҫырлах, хӗн-асап ан пар, ҫуралманне ҫуратса пулин пар, ҫурални!» сывлӑхне пулин пар, ҫырлах; вӑррӑнтан-хурахӑнтан, йыттӑнтан-качкӑнтан, усалӑнтан-тӗселӗнтен сыхла, упра пулин пар.