Кепе турра панисем

Кепе турӑ ҫинчен Д.Месарош Чӗмпӗр енчи Улхашра тӗплӗ ыйтса ҫырса илнӗ. Вӑл ӑна пӗлӗтсемпе ҫӗр хушшинчи (Ҫӳлтипе Ҫутӑ тӗнчери) хӑват тесе палӑртать. Кепе хушнисене пирӗштисем пурнӑҫлаҫҫӗ, хӑй вӑл Турӑпа Пӳлӗх кӑмӑлне итлет. Халӑхра: «Кепе — анне, ӑна кӳрентерме юрамасть», — тесе калаҫҫӗ.

Д. Месарош «кепе» сӑмах ҫармӑсла «пӗлӗт, тӳпе» тенине палӑртать тесе хӑварнӑ. Чӑвашсен Кепи грексен Геба туррине аса илтерет.