983-мӗш кӗлӗ

Ака пӑттипе Турра асӑнатӑп ӑшӑ кӑмӑлпа, тутлӑ чӗлхемпе. Эй, Турӑ, парӑсӑн ыйтнине — пӗр пӗрчӗ акса пин пӗрчӗ парӑсӑн. Шӑрт кас, тӗрен хӑпарт, янавара — хӑват. Пӗр пӗрчӗ акса пин пӗрчӗ пулма пар. Тӗпӗ хӑмӑш пек пулинччӗ, тӑрри чакан пек пулинччӗ. Аминь, ҫырлахтӑр Турӑ.

Эй, Турӑ. Ҫырлахтӑр. Ман тырӑ-пулӑм тӗпӗ хӑмӑш пек, тӑрри чакан пек пулинччӗ. Аминь.

«Ака ҫӑмартине» тепӗр хут хурсан тыр-пул кӗллине улӑштарса каланӑ («Кивӗ тырра ҫӗнетни» пая пӑхӑр).