909-мӗш кӗлӗ

Виҫҫӗмӗш кун иртсен ҫӗнӗ вилнӗ ҫынна пумилкке тӑвичченех кашни эрне каҫ хываҫҫӗ. Ӑна килти ҫемйисем анчах хываҫҫӗ, хӑш чух ырӑ сунакан ӑратнисем те пыркалаҫҫӗ. Эрне каҫ выльӑх пусмаҫҫӗ: пӗҫереҫҫӗ пӗлӗм, яшка. Пӗлӗм пулмасан яшкапа хываҫҫӗ е хӑймаллӑ турӑхпа, е ҫӑмарта хӑпартнипе хываҫҫӗ. Алӑк патне сӗтел лартаҫҫӗ, стена ҫумне хӑйсем тунӑ пӗр кӗске ҫурта ҫутса лартаҫҫӗ.