Пилсемпе кӗлӗсем

840-мӗш кӗлӗ

Ӑҫта каян, ула хур, ӑҫта каян

Чӗппӳсене тӑлӑха хӑварса?

Ӑҫта каян, пирӗн тӑван, ӑҫта каян

Ачусене тӑлӑха хӑварса?

 

Кайӑк хурсем ӑҫта какалаҫҫӗ? —

Сассисем килеҫҫӗ шыв тӑрӑх.

Пирӗн тӑван кайнӑ уйрӑлса,

Сӑмахӗ килес ҫук хут тӑрӑх.

 

Улӑхра ула ут кӗҫенет,

Улӑхӗпе шыраса тупас ҫук.

Пирӗн тӑван кайнӑ уйрӑлса,

Вулӑспа шыраса тупас ҫук.

Статьясем

Шырав

Пайсем

Ҫавӑн пекех пӑхӑр