783-мӗш кӗлӗ

Вилнисем тытнӑ пулӗ тесен ҫӑва ҫине кайса йӑлӑнса сӑхсӑхса аслашшӗ-асламӑшӗсенчен: «Тӳрлет ачана, чӗрт», — тесе ыйтаҫҫӗ. Вӑт ӑна ак ҫапла тӑваҫҫӗ. Вилӗ юпи ҫине тайӑлса лараҫҫӗ те:

Ах, асатте, асанне! Эсир те пулин ан тивӗр ман ача-пӑчама. Каҫарӑр, тетӗп, сире час асӑнтараймарӑмӑр пулӗ. Ҫилленетӗр-и, тен, каҫарӑр халӗ. Ҫийӗр, ӗҫӗр, ҫакна парам, анчах ан тивӗр ман ачама. Ах, чӗртӗр тархасшӑн.

Тем тӗрлӗ каласа сӑхсӑхса апатсем параҫҫӗ.