Пилсемпе кӗлӗсем

661-мӗш кӗлӗ

Ачасем, лӑпкӑ, тӳрӗ пулӑр, ырӑ чӗреллӗ пулӑр, Турра ан манӑр. Ӑна кӗлтуса пурӑнӑр. Турӑ хӑйне юрӑхлине кирек хӑҫан та ырлӑхӗнчен хӑвармӗ. Ачасем, пӗр-пӗрне килӗштерсе пурӑнӑр, пӗр-пӗрне юратӑр. Пӗр-пӗрне ан вӑрҫӑр, ан тавлашӑр. Килӗшӳ, юрату пулмасан этем кил-ҫуртра та, тӗпел кукринче те, ялта та, пускил хушшинче те, халӑх хушшинче те телей ҫухатать. Ҫынна ырлӑх тӑвӑр. Ҫынна ырлӑх туни палӑрмалла пултӑр.

Ырлӑх туни Турра та юрӑхлӑ. Этеме те кӑмӑллӑ. Ватта хисеплӗр, ватӑ сӑмахӗнчен ан тухӑр.