649-мӗш кӗлӗ

Эп нумай пиллеме пӗлместӗп. Мӗн пӗлес пеккине хӑвӑр пӗлӗр. Лайӑх пурӑнӑр, ачапчаллӑ пулӑр. Пире хисеплӗр ӗнтӗ, хӑвӑр та хисеплӗ пулӑр. Яшка-ҫӑкӑрлӑ пулӑр, вӑрӑм ӗмӗрлӗ пулӑр. Килти сӑмаха ял ҫине ан кӑларӑр. Ялти сӑмаха киле илсе ан килӗр. Ҫын хыҫҫӑн ан кайӑр, хӑвӑрӑнне хӑвӑр пӗлӗр. Ҫын вӑл ҫӗҫҫине те паре, пурттине те парӗ. Вута кӗме те хушӗ, шыва сикме те хушӗ — ан итлӗр.

Пирӗн урӑх калас сӑмах ҫук. Ҫитменнине хӑвӑр ӑсӑрпа ҫитерӗр.