626-мӗш кӗлӗ

Юратнӑ хӗрӗмӗрпе кӗрӗвӗмӗр, сирӗн малашне пӗрлехи мӑшӑрлӑ пурнӑҫ пуҫланать. Ҫак пурнӑҫра лайӑх, сайлӑ пурӑнса ирттерме тӑрӑшӑр. Пӗр-пӗрне хисеплӗр, ан кӳрентерӗр. Пӗр-пӗрин сӑмахне яланах итлӗр. Виҫ ывӑлпа виҫ хӗр тӑвӑр. Телейлӗ пулӑр, пӗр-пӗрне яланах юратса пурӑнӑр. Кил-ҫуртра чашӑк-тирӗк ҫӗмрӗлесси те пулать. Ҫавӑнпа килти хыпара ял ҫине ан кӑларӑр, ялти хыпара киле ан кӗртӗр.