Пилсемпе кӗлӗсем

595-мӗш кӗлӗ

Эй, ырӑ Туррӑм, ырӑ чӳклемем, патшана панӑ ывӑлӑма ырлӑх-сывлӑх парӑсӑнччӗ! Йӑтнӑ пӑшалне ҫӑмӑл тӑвӑсӑнччӗ, хӗҫӗнчен те пулин эсӗ сыхлӑсӑнччӗ, туппинчен те пулин эсӗ упрӑсӑнччӗ, ырӑ Туррӑм. Ҫак пиҫнӗ чӳклемемпе, ҫунатлӑ хурӑмпа Сана, ырӑ Туррӑм, тархаслатпӑр, кӗлтӑватпӑр: Патшана та, патшалӑха та ҫӑмӑллӑх, канӑҫлӑх парӑсӑнччӗ, салтака кайнӑ ачама та ырлӑх-сывлӑх парӑсӑнччӗ, ырӑ Туррӑм. Ҫак пиҫнӗ чӳклеме, ашшӗ-амӑш яшки-ҫӑкри ҫавӑрса кӳтӗрччӗ ӑна. Эпир кӗнекеллӗ халӑх мар, айван ывӑл-хӗре, пире хапӑл ту, ырӑ Туррӑм, ырӑ чӳклемем. Йӳҫҫе тутлӑ калаҫмалла ту, ырӑ чӳклемем, ҫырлаха пар, аминь!