406-мӗш кӗлӗ

Виҫӗ пайӗнчен пӗр пайне ӗҫме-ҫиме пар, ик пайне пуҫтарса хума пар. Кая юлчӗ пуль, Турӑ, каҫар! Пихампар, эсӗ кайӑк-хуҫана ан яр, кайӑкран-хуҫаран хӑтарса пыр, сыхла. Эпир, айван Ывӑл-хӗрӗ; юмӑҫ-курмӑш каларӑшӗпе тасаран чӳклетпӗр. Карманта мул тытма пар. Картана кӗрсен, карта Турри сыхласа тӑтӑр. Чикекентен-касакантан эсӗ сыхласа упрӑсӑнччӗ. Кил-ҫурт пуҫӗ пулма пар.