396-мӗш кӗлӗ

Тӑвана, хурӑнташа пухса авалхисен йӗркине тума вӑхӑт тухрӗ. Хамӑра ура ҫине тӑма пулӑшнӑ лашамӑр та ватӑлса ҫитрӗ, канлӗх ыйтать. Вӑл пирӗншӗн хамӑртан та хаклӑ пулчӗ. Ӑна эпир хура ҫӗре пӑрахма пултараймастпӑр, Турра чӳклесе паратпӑр.

Лаша вырӑнне Турӑ пире лаша пачӗ, хӗр вырӑнне Турӑ пире кин пачӗ. Ӑру вырӑнне ӑру патӑр. Эпир тӑрӑшнине тӑхӑмсем те тӑрӑшса туса пыччӑр.

Пурне те кил-йышшӑн, лайӑхшӑн, малашлӑхшӑн тӑватпӑр.