219-мӗш кӗлӗ

Сана пуҫҫапса витӗнетпӗр, ҫырлах, Ана турри, Киремет, ачам-пӑчампа, килӗш чунпа, ҫырлах. Пире чипер усра, упра, лайӑх пӑхса таса усра, ҫырлах. Сана пӗр хуран пӑтӑ пӗҫерсе тыр-пулпа асӑнса пуҫҫапса витӗнетпӗр, ҫырлах. Иртсе ҫӳретпӗр пуль, выльӑхсем кӗрсе ҫӳреҫҫӗ пуль, каҫар пире, ҫырлах, ан ҫиллен. Каҫар, тӗксе ан яр, ҫырлах. Ак сана хур паратпӑр, мӗн вӑй ҫитнипеле анчах.