Пилсемпе кӗлӗсем

1145-мӗш кӗлӗ

[...] Пӗр пӳрт, тепӗр кӗлет, тепер вите лартса парать ашшӗ, вара тин уйӑрать. Хӑйне тивӗҫлӗ тыррине парать, хӑйне тивӗҫлӗ выльӑхне парать, вара хӑй ҫӗнӗ ҫурта уйрӑлса тухать. Пӗр пуҫламан ҫӑкӑр тытаҫҫӗ, ун ҫине пуҫламан чӑкӑт хураҫҫӗ, вара ӑна ашшӗ ҫӗклесе пырать, тепри йӗрӗх ҫӗклесе пырать. Вара ҫӗнӗ пӳрте ҫитеҫҫӗ те йӗрӗхе кӗтесе лартаҫҫӗ, ҫӑкӑрпа чӑкӑтне сӗтел ҫине хураҫҫӗ. Вара Турра хирӗҫ тӑрса сӑхха переҫҫӗ. Ҫапла каласа кӗлтӑвать ватти:

Эй, Ырӑ Турӑ, ҫакӑ ҫӗнӗ ҫуртра савӑнса пурӑнма пар, ачапчӑмпа, выльӑх-чӗрлӗхпе пурӑнма пар. Ырӑ Хӗрт-сурт, эсӗ те пирӗнпе пӗрле пул.

Кӗлтуса пӗтерсен вара сӑра ӗҫеҫҫӗ. Вара ҫавӑ ҫӑкӑрӗпе чӑкӑтне касса мӗн пынӑ ҫынна параҫҫӗ пӗрер ҫӑвар.

Статьясем

Шырав

Пайсем

Ҫавӑн пекех пӑхӑр