1116-мӗш кӗлӗ

Эй, пире хӑв ытамунта упракан Ҫутӑ тӗнче! Пире ӑшӑтса тӑракан Ҫутӑ хӗвел! Ан пӑрахӑр пире, нушаллӑ та чухӑн ҫынсене! Сывлӑш ҫавӑрма парӑр, Ҫӗр Хапхи витӗр тухма ан чарӑр.

Эй, Ҫӗр-аннемӗр! Ҫӗр ашшӗ! Эпир, Ҫӗр кӑвапинчен тухнӑ халӑх, сире тархаслатпӑр: Сирӗн Хапха витӗр тӗрӗс-тӗкел тухма пире ан чӑрмантарӑр!

Эпир сире кӳрентернӗ пулсан, вӗсене йӑлтах манӑҫа хӑварӑр. Уй-хирсене вӑй-хӑват парӑр, пирӗн тырра-пулла тулӑх ӳсме пулӑшӑр!