Пилсемпе кӗлӗсем

1113-мӗш кӗлӗ

Касу килет кастарса,

Тавра яла тустарса.

Пул, касу, кӑвар тӗлне,

Ҫил, вӗҫтер касу кӗлне.

Вут-ама, пире сыхла,

Вут-ама, пире упра.

Упра выльӑх-чӗрлӗхе,

Сыхла кайӑк-кӗшӗке.

Эпир сана, усал касу,

Ӗнтетпӗрех чӗр вутпа.

Эпир сана, хаяр касу,

Кӑклатпӑрах ҫӗн хӑртпа.

Вутпа ҫунса кай,

Ҫилпе вӗҫсе кай.

Вут-ама, пире сыхла,

Вут-ама, пире упра.

Упра выльӑх-чӗрлӗхе,

Сыхла кайӑк-кӗшӗке,

Касу чирӗ касӑлтӑр,

Алли-ури татӑлтӑр.

Тӗплентӗр вутпа,

Кӑклантӑр хӑртпа.

Вут-ама, пире сыхла,

Вут-ама, пире упра.

Упра выльӑх-чӗрлӗхе,

Сыхла кайӑк-кӗшӗке.

Пул, касу, кӑвар тӗлне,

Ҫил, вӗҫтер касу кӗлне.

Статьясем

Шырав

Пайсем

Ҫавӑн пекех пӑхӑр