1066-мӗш кӗлӗ

Карта пӑттине, виҫӗ тӗслӗ выльӑхшӑн тесе, пашалупа пӑтӑ пӗҫерсе чӳклеҫҫӗ. Пашалу хӗррине сӑмсаллӑ-сӑмсаллӑ туса, варрине йӗтӗрпе хӗстерсе пӗтӗреҫҫӗ. Вара, сӑмсисене касса, йӗтӗрпе шӑтарнӑ вырӑнсене касса илеҫҫӗ те карта патне кайса вут хурса ҫунтарса яраҫҫӗ. Пӑттине ҫимеҫҫӗ, картана пӑрахса хӑвараҫҫӗ. Пашалу сӑмсисене тата йӗтӗрпе тунӑ шӑтӑксене касса илсен юлнӑ пашалусене ҫиеҫҫӗ.