Пилсемпе кӗлӗсем

Хӑлхапа илтмен, куҫпа курман, сӑмсапа шӑршламан, ҫӑварпа нимӗн те усал сӑмах каламан.

Чипер пурӑн! Куҫу куртӑр, аллу ан ҫиттӗр!

Урисене пирпе витнӗ чухне каланӑ.

Вилнӗ ҫыннӑн хӑлхи-сӑмсине, ҫӑварне пурҫӑн татӑкпа хупласан каланӑ.

Пил ту, умӑнта пултӑр. Ҫакӑнпа ӗҫсе-ҫисе кай. Эпир пӗр турам пани сана пӗр ҫӑк пултӑр. Масар пуҫлӑхин те, ертсе ҫӳрекеннин те умӗнче пултӑр. Пил ту, ӗҫсе ҫи те кай.

Пилле, пехил ту. Сана ҫурта паратӑп: ҫутӑра ҫӳре.

Пилле, пехил ту. Пӗр турам пӗр ҫӑк пултӑр. Ху турттарса каймасассӑн ниме туса кай. Сана тиха паратӑп; лайӑх пӑхса ӳстер. Хуп пӑрахрӑм: урапа-ҫуна туса ҫӳре. Ырлӑх-сывлӑх, телей пар, пире хӗн-асап ан пар.

Йытӑ сассипе ан ҫӳре — куккук сассипе, чӗкеҫ сассипе, автан сассипе ҫӳре. Кил-йыша, ҫурта-йӗре пил ту; выльӑха-чӗрлӗхе пил ту; тырра-пулла пил ту; ял-йыша пил ту.

Униҫҫе, Униҫҫе, кил кунта, кил ҫак пукан ҫине. Хӑпар ҫак пукан ҫинчен ҫак кӗперпеле сӗтел ҫине, ҫак сӗтел ҫинчен Турӑ патне каях.