Пилсемпе кӗлӗсем

Эй Турӑ, пилле! Мунча ӑшши пыл пек тутлӑ пултӑр, ҫу пек ҫемҫе пултӑр! Хӗрӗх хӗрарӑм, аллӑ арҫын ӑшшине кӗрсе ан пӗтерейччӗр! Пыйтисем вилччӗр, шӑркисем ҫурӑлччӑр. Каҫ выртма канлӗхе патӑр, ир тӑрсан ҫӑмӑллӑхне патӑр!

Ҫанна-ҫурӑма кантар, пыл пек тутлӑ пул, ҫу пек ҫемҫе пул, ҫан-ҫурӑм ҫумне ҫыпӑҫ, ҫан-ҫурӑма канлӗх пар!

Йӳҫҫи — тула, тутли — шала, пыл пек тутлӑ, ҫу пек ҫемҫе, ҫан-ҫурӑма канӑҫа. Хӗрӗх хӗрарӑм, аллӑ арҫын кӗмелле, юпах тихи утланса ял тавра ҫаврӑнмалла, арҫынсене тӑрринчен, хӗрарӑмсене варринчен, хӗрсене хӗрринчен. Ялти ясар пӗтмесӗр мунча ӑшши ан пӗттӗр.

Йӳҫҫи тула, тутли шала, аллӑ арҫынна, хӗрӗх хӗрарӑма.