Пилсемпе кӗлӗсем

Эй, пӗсмӗлле, Турӑ! Кӗрӳ каччи тумлантарнӑ йӗркепе Сана асӑнатпӑр. Ҫак туйра чипер выляса кулма ырлӑх-сывлӑх пар! Алла курка тытнӑ пек, пире куркапа кӗтсе илччӗр туй йыхӑракан ҫынсем. Ҫак алӑри пылпа ҫӑкӑр, чӑкӑт пек, юрлӑ-варлӑ кӗтсе тӑччӑр туй йыхӑракан ҫынсем. Хӗр илме кайнӑ чух сӗт ҫулпа кайса ҫу ҫулпа килме пар, Турӑ, ҫак туй халӑхне!

Турӑ, ҫырлах, Турӑ, ан пӑрах, Турӑ, пулӑш пире, намӑс ан кӑтарт.

Пехил тӑвӑр! Ҫак Елиссе хӗр илсе килме ирӗк парӑр! Сӗт ҫулпа кайса ҫу ҫулпа килме парӑр! Ан кансӗрлӗр! Путхах шуртан, тайлӑк кӗпертен, курайман тӑшмантан эсӗр сыхлӑр.

Ҫӗнӗ кине илме кайнӑ чух хаяр укҫи пӑрахни.