Пилсемпе кӗлӗсем

Ҫӗмӗрле енчи Хутар тавринче чӳк тунӑ чухне Вылӑра выртана, Илькушара кӗлӗ каланӑ чухне Михаппар кӗтӗрӗшне ячӗпе чӳк тунӑ.

Михаппар — Пӑкача вӑрҫи вӑхӑтӗнче палӑрнӑ паттӑрсенчен пӗри, Нехей, Тойтерек, Резван пек ертӳҫӗ.

Ӑна пӑлхав хыҫҫӑн тытса пуҫиле янӑ. Халӑх асне вӑл «Мыхаппар кӗтӗрӗшне» (каторӑшнӑй) ячӗпе кӗрсе юлнӑ.

Михаппар кӗтӗрӗшнӗ!

Сана апат-ҫимӗҫпе асӑнатпӑр. Хура халӑхшӑн ҫухатнӑ пуҫу Леш тӗнчере сӑвап куртӑр. Эсӗ пирӗнпе ҫук пулсан та сан шульӑш кунтах пурӑнать.

Ҫӑтмахра ҫӳре. Тутӑ ҫӳре. Кунти хурлӑхшӑн унта ырлӑх ҫиттӗр...

Ҫырлах!