Пилсемпе кӗлӗсем

Хӗрсе кайса вырӑнсӑр «чунланнӑ» (тупа тунӑ) хыҫҫӑн ҫын хӑй сӑмахне ҫийӗнчех каялла илме пултарнӑ. Енчен те тупа сӑмахне тупсан, суйса тупа тусан «чунӗ ҫӗтнӗ», «чунне ҫухатнӑ», «чуна ҫӑтнӑ» тенӗ.

Чуна сутса тупа тунӑ ҫын пӗрех лекет, тавӑру ӑна хӑйне тивмесен йӑхри тӑхӑмӗсене йывӑр тӑвать тенӗ.

Суйса приҫак илекен ҫын хӗн курса вилет.

Каҫар, Турӑ! Хӗрсе кайса ытлашши каласа тӑкрӑм. Тӗрӗс мар калани, пысӑклатса калани, вырӑнсӑр калани пулчӗ пуль. Урӑх апла хӑтланмӑп.

Ҫынсем те каҫарччӑр. Каҫарӑр.