Пилсемпе кӗлӗсем

Хӑй тӗллевне пурнӑҫлас тесе ҫине тӑрас кӑмӑлпа е хӑйне айӑплакан вуҫех тӗрӗс маррине сирес тесе ашшӗ-амӑшӗ хӑйсен ачине алла тытса тупа тунӑ.

Ытларах чухне кӳршӗ-аршӑра, ял хушшинче ӑнлантарма ҫук пӑтӑрмах сиксе тухсан, хатӗр-хӗтӗр ҫухалсан, ана-ҫаран таптансан е ҫавӑн евӗрлӗ хирӗлчӗксем пур пулсан каланӑ.

Эсӗ мана ӗненместӗн пулсан акӑ сана манӑн ывӑл. Эпӗ тӗрӗс каламастӑп пулсан, эпӗ сана суятӑп пулсан ыран манӑн куҫӑмсем ӑна ан курччӑр.

Ҫӗр ҫӑттӑр, ҫак ҫӗр ҫинче ан пурӑнам, ҫак вырӑнтан киле ан ҫитем, мӗнпур ачамсене ан курам!