Пилсемпе кӗлӗсем

Тархасласа, сӗнсе, ӗнентерсе, ӑса вӗрентсе, килӗштерсе-ҫураҫтарса, ӑнлантарса калакан сӑмахлӑх тӗсне ӳкӗт тенӗ. Укӗте кӗртсе каласси чӑваш пурнӑҫӗнче халӗ те пысӑк пӗлтерӗшлӗ.

Ырӑ сунса, аҫу-аннӳне астуса калатӑп: упран, ывӑлӑм, асӑрханса ҫӳре; хӑрамастӑп тесе ан кала: вӗсен ҫилли хаяр, вӗсен ӑратти усал, вӗсен йышӗнче намӑс-симӗсе пӗлмеҫҫӗ...

Упранакана Турӑ упрать, Пӳлӗх сыхлать, тӑван пулӑшать. Эсӗ эпӗ каланӑ пек ту, кукаҫу тата мӑн акку каланисене итлесе пӑх.

Ват ҫынсене ан хурлантар, сана тӑван аҫу вырӑнне пулса ӳкӗтлетӗп...