Пилсемпе кӗлӗсем

ӗвелпе уйӑхпа калатӑп, пӗтӗм чунтан-вартан калатӑп: таврӑнсамччӗ, кӗтнӗ ҫыннӑм, пурпӗрех таврӑнсамччӗ. Ҫул ҫинче пин-пин сӑрт пулсан та, пин-пин шыв хушӑра пулсан та — килетӗнех эсӗ тӑван ҫӗре ҫаврӑнса. Аслӑ шухӑш сана ҫул кӑтарттӑрах.

Эп сана ывӑнмасӑр кӗтетӗп. Эп сана манмасӑр кӗтетӗп. Эсӗ пӗрех килетӗн, килетӗнех!

Турӑпа-ырӑпа калатӑп, пӗтӗм чунтан-вартан калатӑп: килсемччӗ тӑван ҫӗршыва, кӗтнӗ ҫыннӑм, пурпӗрех ҫаврӑнса килсемччӗ.

Ҫӗр-ҫӗр вӑрман хушшӑмӑрта пулсан та, ҫӗр-ҫӗр хир умӑнта сарӑлса выртсан та — тӑван ҫӗре ҫаврӑнса килетӗнех. Аслӑ туйӑм сана ҫул кӑтарттӑрах.

Эсӗ пӗрех килетӗнех!

Ял-йышпа калатӑп, пӗтӗм чунтан-вартан калатӑп: килетӗнех ҫаврӑнса тӑван вырӑнсене, кӗтнӗ ҫыннӑмӑр. Пурпӗрех ҫаврӑнса килетӗн. Аслӑ Хӗвел сан ҫулна ҫутатса тӑтӑр, Аслӑ Турӑ сана хӳтлӗх парса пытӑр. Пирӗн юрату сана ӑшӑтса пурӑнтӑр.

Аҫу-аннӳ ҫӗршывӗ куҫ хупмасӑр кӗтет сана!

Эсӗ пӗрех килетӗн, килетӗнех!