927-мӗш кӗлӗ

Ӗлӗк вилнӗ ҫын юпине тӑвиччен ун чунӗ килтен каймасть тенӗ. Ҫиме ларнӑ чух пурте Турра кӗлтӑваҫҫӗ. Ӗҫнӗ-ҫинӗ чух эрех те ӗҫкеленӗ, хӑшӗ-хӑшӗ халь те ӗҫеҫҫӗ. Ҫиме тытӑннӑ чух ӗлӗк: «Сан умӑнта пултӑр», — тенӗ те кашни кӑшт ҫимерен тата-тата илсе чашӑк ҫине хунӑ. Яшкине те ҫавӑнтах кӑшт: «Сан умӑнта пултӑр», — тесе янӑ. Унтах кашӑк та хунӑ.

«Санӑн умӑнта пултӑр. Пилле. Сана асӑнса ҫиетпӗр», — тенӗ.