862-мӗш кӗлӗ

Ак сана ик ҫӗр сум укҫа паратӑп! (Шӑтӑка ярсан пуҫӗ тӗлне икӗ пус укҫа (ҫӗр ҫутти) хунӑ чухне каланӑ.)

Ак сана чӗлӗмӗ, ак папак енчӗкӗ! Ак сана тупӑлха патак ҫӳреме! Ак сана сӑвап тӑпри ҫумна хурса хӑварап! Йывӑр тӑпру ҫӑмӑл пултӑр! Авлантар упӑшкӑна, эсӗ вилтӗн, пурӑнма ӳркентӗн ӗнтӗ. (Ҫамрӑк хӗрарӑм вилнӗ пулсан каланӑ.)

Арӑму качча кайӗ, ан чар, кайтӑр. Ху лере авлан. (Ҫамрӑк арҫын вилнӗ пулсан каланӑ.)