777-мӗш кӗлӗ
Эй, песмӗлле, Турӑ, ҫырлах мана! Ҫак юхан-шӑтана тасат. Кӗрхи-ҫурхи шывпа тасамарлӑхсем тухса кайнӑ пек, ман ҫинчи юхан-шӑтансем те тасалччӑр! Ҫырлахупа тасалӑх пӗрлешӳллӗ пулччӑр! Ҫырлахах мана эсӗ те, йӗрӗх! Хӑвӑн ырӑ кӑмӑлна ман ҫине ҫавӑрсам. Ҫак хурама кутне пӗлмесӗр сыснӑшӑн мана ан айӑплах. Малашне ӗнтӗ эпӗ те, ман ачан ачисем те тата вӗсенчен пулас ӑру та ҫак хураман, унӑн вӑрринчен шӑтса ӳснӗ хурамасен кутне те урӑх сысса варласа мӑшкӑл тумӗҫ. Хамӑр вӑй ҫитнӗ таран ҫулталӑкра пӗрре те пулсан ҫак хурама кутне сана, йӗрӗх, парне кӳрӗҫ. Ҫырлахсам, йӗрӗх. Манӑн кӗллӗм сиплӗхлӗ пултӑр.
- Кӗлӗ тата пил сӑмахӗсем
- Ӑрӑмлӑ сӑмахлӑх: пилпе халал, тупа, кӗлӗ-сӑрман тата вӗсене каламалли йӗркесем
Шырав
Пайсем
- Харкам сӑвап, сунӑм, тупа
- Тӗнче хӑвачӗсене чыслани
- Ҫурхи тата ҫуллахи уявсемпе чӳк кӗллисем
- Хӗле кӗнӗ йӗркепе калакан кӗлӗсем
- Кил-йышри кулленхи йӑласемпе кӗлӗсем
- Пытару йӗркипе сӑмахлӑхӗ
- Асӑну йӗркипе сӑмахлӑхӗ
- Хресчен ӗҫӗн кӗллисем
- Мӑчавӑрсем халӑха каланинчен