Пилсемпе кӗлӗсем

766-мӗш кӗлӗ

Хӑмӑш та ӳсет сыпӑклӑ, кӗпҫе те ӳсет сыпӑклӑ, кӑйкӑр курӑкӗ те ӳсет сыпӑклӑ, пирӗн ырӑ ҫынни те сыпӑклӑ, ҫитмӗл те ҫичӗ сыпӑклӑ. Пирӗн те ырӑ ҫыннин ҫитмӗл те ҫичӗ сыпӑкӗнчен пӗр сыпӑкӗ вырӑнӗнчен сикнӗ. Ырӑ ҫыннӑн ура сыппи сикмен — хӑмӑш сыппи сикнӗ. Ырӑ ҫыннӑн ура сыппи сикмен — кӗпҫе сыппи сикнӗ. Ырӑ ҫыннӑн ура сыппи сикмен — кӑйкӑр курӑкӗн сыппи сикнӗ. Хӑмӑш сыппи сыпӑнса — шыва сулхӑнне патӑр.