Пилсемпе кӗлӗсем

763-мӗш кӗлӗ

Аминь, Турамӑш! Усала-тӗселе ан яр. Килӗшпе, ача-пӑчапа, ҫурт-йӗрпе сыхла. Пӳлӗхҫӗ, усала-тӗселе ан яр. Килӗшпе, ача-пӑчапа, ҫурт-йӗрпе сыхла. Таса Турӑ, Эс те усала-тӗселе ан яр, килӗшпе, ача-пӑчапа, ҫурт-йӗрпе сыхла. Турамӑш, виҫ тӗслӗ выльӑх-чӗрлӗхшӗн усалтан-тӗселтен сыхла. Ҫинӗ ҫимепе ҫӳренӗ карташӗнче, пуснӑ урапа усал-тӗселе сир. Пӳлӗхҫӗ, виҫ тӗслӗ выльӑх-чӗрлӗхшӗн усалтан-тӗселтен сыхла. Ҫинӗ ҫимепе ҫӳренӗ карташӗнче, пуснӑ урапа усал-теселе сир. Таса Турӑ, виҫ тӗслӗ выльӑх-чӗрлӗхшӗн усалтан-тӗселтен сыхла. Ҫинӗ ҫимепе ҫӳренӗ карташӗнче, пуснӑ урапа усал-тӗселе сир. Турамӑш, ҫичӗ тӗслӗ тырӑ-пулӑшӑн усалтан-тӗселтен сыхла. Ҫинӗ ҫимепе ҫӳренӗ карташӗнче, пуснӑ урапа усал-тӗселе сир. Пӳлӗхҫӗ, ҫичӗ тӗслӗ тырӑ-пулӑшӑн усалтан-тӗселтен сыхла. Ҫинӗ ҫимепе ҫӳренӗ карташӗнче, пуснӑ урапа усал-тӗселе сир. Таса Турӑ, ҫичӗ тӗслӗ тырӑ-пулӑшӑн усалтан-тӗселтен сыхла. Ху панине сыхла, упра, усал-тӗселе, курайман тӑшмана сир, аминь.