Пилсемпе кӗлӗсем

719-мӗш кӗлӗ

Ҫырлах Турра, тырӑ акса хӑвартӑмӑр, Турӑран пар, выльӑхсене те Турӑран ҫӑмӑллӑх пар, пӗр пӗрчӗ акса пин пӗрчӗ илме пар, кутне хӑмӑш пек пар, тӑррине пӑрҫа пек пар, ывӑҫпа сапса ытампа илме пар, кивӗ ҫине ҫӗнӗ хума пар, ҫич тӗслӗ тырра ҫич пурана хума пар, ялӑн умӗнче, уйӑн тӗпӗнче, шӑнса килекене ӑшӑтса яма пар, выҫса килекене тӑрантарса яма пар, касас пурттинчен, касас ҫавинчен Турра ҫӑл, ырӑ сунакана та, хаяр сунакана та, Турра ҫавӑрма пар, алӑк патне кӗрӳ пар, тӗпеле кин пар. Каҫ выртсан ыйӑхне пар, ир тӑрсан ҫӑмӑллӑхне пар.